ПСЖ доживеа вистински дебакл синоќа во второто коло во Лигата на шампионите губејќи со убедливи 4:1 од Њукасл, а француските медиуми немаа милост кон првата ѕвезда, Килијан Мбапе.
Влијателниот „Лекип“ немаше милост кон Мбапе и во оценките на играчите за дуелот со Њукасл кои се движат од еден до десет, напаѓачот доби двојка.
„Мбапе како да не постоеше во најголем дел од натпреварот и неговата игра беше крајно разочарувачка“, напиша Мбапе во описот на играта на првата ѕвезда на ПСЖ.
Мбапе заедно со капитенот Маркињос и вториот напаѓач, Рандал Коло Муани, ја добија најмалата оценка од сите играчи на ПСЖ, а ниту еден не доби поголема оценка од шестка, додека тренерот Луис Енрике доби тројка.
Медиумите најголеми замерки за Енрике имаа поради одлуката да игра во формација 4-2-4, но тој не ја прифаќа вината.
„Мислев дека таа формација е најдобра за оваа екипа и тоа сè уште го мислам. Мислам дека резултатот не е фер, но таков е фудбалот. Му честитам на Њукасл, но овој резултат не е реален“, изјави Енрике.
