Легендарниот француски фудбалер, Зинедин Зидан, веќе четири години е без тренерски ангажман, откако го заврши својот втор мандат на клупата на Реал Мадрид. Тој постојано најавува дека има само две опции, или ќе биде тренер на „кралевите“ или селектор на Франција и сите понуди кои пристигнуваа на неговата адреса ги одбиваше, а ги имаше многу.
Француските медиуми денес пренесуваат информација дека сегашниот селектор на „триколорите“, Дидие Дешан, ќе го напушти кормилото по Светското првенство, а тоа би значело дека конечно ќе му се оствари желбата на Зинедин Зидан и ќе седне на селекторското столче на неговата татковина.
