Селекцијата на Франција го освои третото место и бронзениот медал на Светското првенство во ракомет. Триколорите ја совладаа Португалија со 35-34 во неверојатно драматична завршница.
Во еден динамичен натпревар, Франција изгради два гола предност на полувремето (19-17). Но, во вториот дел Португалците заиграа многу подобро, па успеаја не само да ја анулираат предноста, туку и да обезбедат водство од два гола (24-26).
Селекцијата на Гијом Жил додаде гас, постигна три гола во низа и оттогаш беше апсолутно неизвесно до самиот крај.
Во 57-та минута, Пранди погоди за 33-32, но возврати и Франсиско Кошта за ново израмнување. Фабрегас ја затресе мрежата на Португалија, а Фернандес уште еднаш изедначи (34-34).
Франција влезе во својот последен напад, селекторот Гијом Жил зеде тајмаут, а Фабрегас изнуди седмерец. Успешно го реализираше Мелвин Ричардсон.
За Португалците останаа 16 секунди. Изградија одлична можност за Ареја, но Шарл Босанже успеа да одбрани и донесе бронза за Французите.
