Ракометните сениорски селекции на Македонија и Франција играче пет пати и секогаш победувале Галските петли кои и вечерва се апсолутни фаворити.
Лани игравме со нив пред повеќе од 50.000 гледачи на стадионот на Фортуна во Дизелдорф, три недели подоцна Франција стана европски првак. Тогаш Франција победи со 10 голови разлика, а најтесно беше во 2015 во Скопје кога Македонија загуби со само два гола негатива.
„Македонските играчи доаѓаат само од три клубови: 10 играчи доаѓаат од РК Алкалоид, 6 од Еурофарм Пелистер и 2 играчи од РК Вардар 1961“, анализираат Французите на веб сајтот на нивната ракометна федерација.
Помошникот селектор Јохан Делатр, изјави дека македонскиот тим има „силен идентитет со многу играчи во составот од ист клуб, Алкалоид“.
„Се надеваме дека Македонија ќе одигра добро за овој натпревар и ќе ни овозможи да напредуваме. Ќе бараме максимална посветеност. Македонија е предводена од Кирил Лазаров, одличен, многу елегантен играч, а парадоксално Македонија под негово водство нуди многу подиректна игра со дуели, со прилично фини односи пивот – бек“, анализира Делатр.
