Косовскиот шампион Дрита беше на прагот на сензационален резултат на гостувањето кај ФЦСБ, но Романците со магичен пресврт надополнија негатива од два гола и на крајот победија.
Екипата од Букурешт двапати загуби од Шкендија, а сега беше на прагот од нов пораз, овојпат во Лигата на Европа, со оглед на фактот дека Дрита имаше убедливи 0-2. Сепак, во второто полувреме комплетен пресврт и победа на ФЦСБ од 3-2 со гол од пенал во 94-тата минута.
Екипата на Лозана, која во претходното коло од Конференциската лига го елиминираше Вардар, дојде до нова победа на домашен терен, овојпат над Астана со 3-1. Швајцарците имаа убедливи 3-0, но гостите од Казахстан со гол во 90-тата минута го намалија резултат и ги задржаа барем теоретските шанси за пласман во плеј-офот.
