Фудбалската репрезентација на Македонија до 19 години доживеа минимален пораз (1-0) од Белгија во Гимараиш, во првиот натпревар на квалификацискиот турнир за пласман на Европското првенство.
Стрелец на единствениот гол беше Мусуаи во 72-рата минута. Тој погодок беше доволен за победа и три бода за младите репрезентативци на Белгија, кои пред натпреварот важеа за големи фаворит.
Македонија во поголемиот дел од мечот се бранеше, и тоа успешно.
Следните натпревари од групата 11, Македонија ќе ги игра против Португалија на 15 ноември и против Естонија на 18 ноември.
