Фудбалер на Јуве изјавил дека не го поднесува тренерот Мота, и не е единствен

„Не можам да го поднесам и не сум единствениот. Никогаш не знаеш што да очекуваш. Од старт до минување 90 минути на клупата“, наводно му рекол играчот на близок пријател.

Во Јуве велат дека и покрај лошите резултати и испаѓањата од Лигата на шампионите и Купот на Италија, не планираат да му дадат отказ на Мота кој има договор до јуни 2027 и ќе треба да му платат 20 милиони евра ако го избркаат предвреме. Но, италијанските медиуми тврдат дека поради лошите односи со играчите, Мота ќе биде сменет на крајот на сезоната, дури и ако Јуве под негово водство обезбеди место во ЛШ.

Челниците на Старата дама веќе почнувале да размислуваат кој би бил идеален тренер и прв избор им е Антонио Конте. Потенцијални кандидати се и Џанпјеро Гасперини, Игор Тудор и Роберто Манчини.

Јуве ако реши да ангажира нов тренер, сака тоа да го направи пред почетокот на Светското клупско првенство на 14-ти јуни, а проблем е што правилата не им дозволуваат на клубовите од Серија А да земат тренер од друга лига пред 30-ти јуни и затоа во комбинација се само стручњаци кои работат во Италија.