Фудбалската репрезентаија на Бурунди направи историски успех откако за првпат се пласираа на завршницата на Африканскиот куп на нациите. Во квалификациите беа во група со Мали, Габон и Јужен Судан, а Бурунди успеа да обезбеди место на завршницата која ќе биде во Египет.
Континенталниот собир е од 21 јуни до 19 јули, а претседателот на Фудбалската федерација на Бурунди, Ревериен Ндикуијо, јавно побара пари бидејќи нема доволно средства.
„За пат до Египет и сместување потребни се 290.000 евра. Во касата имаме 177.000 евра. Тоа значи дека ни недостасуваат уште 113.000 евра и сега е време да ни помогнете. Од сите ни е потребна помош. Државата колку може, но и секој поединечно. Отворивме банковни сметки за уплата, па помогнете кој колку може“, вели претседателот на Фудбалската федерација на Бурунди.
