Динамо Загреб и АЕК Атина во вторник на “Максимир“ ќе го одиграат првиот натпревар од квалификациите за Лигата на шампионите. Двомечот на овие две екипи го следат голем број на контроверзи, а последните информации кои доаѓаат од Грција се дека фудбалерите на АЕК не се расположени да го играат мечот во Загреб, откако во понеделникот во Атина беше убиен навивач на нивниот клуб во инцидентите помеѓу навивачите на двете екипи.
– “Фудбалерите на АЕК психолошки не се подготвени да играат, воопшто немаат желба за фудбал. Мора да се носат со шокот и тагата, но без оглед на тоа што се случи, АЕК за два дена мора да игра во Загреб, со навивачите на Динамо на трибините, во атмосфера во која ‘злобните грци ги држат нивните другари во затвор’.“ – се вели во грчиките медиуми.
Раководството на АЕК испратило известување на УЕФА дека ќе го бојкотира раководството на Динамо Загреб и нема да учествува на никакви заеднички настани, вечери или ручеци.
