Фудбалската федерација на Италија започна истрага против фудбалерите на Милан бидејќи по победата во последното коло над Рома од 2:1 на „Олимпико“ го навредувале Јувентус.
Стрелецот на вториот гол за Милан, Рафаел Леао, на социјалните мрежи објави видео снимено во клупскиот автобус во кое фудбалерите на Милан пеат песни со кои го омаловажуваат Јувентус.
Федерацијата објави дека истрагата е фокусирана на можното прекршување на столбовите на фер однесување и работи на идентификување на одговорните.
Според прописите, за вакви случаи вообичаената казна е парична.
