Фудбалерите од англиската Премиер лига планираат викендов да одржат протест против расизмот.
Според британските медиуми, играчите планираат да клекнат пред натпреварите. Ова ќе биде првпат сезонава да го прават тоа.
Капитените на сите 20 тима од Премиер лигата ја поддржаа идејата, но играчите се слободни сами да одлучат дали ќе учествуваат.
Интересно е дека ова ќе важи само за машката Премиер лига, во англиското женско првенство нема да се клекне бидејќи фудбалерките сметаа дека овој симбол го изгубил своето значење.
Ваквиот начин на протест се појави во 2020 година, среде подемот на движењето „Животот на црнците е важен“.
