Женската фудбалска репрезентација на Македонија загуби со 3:1 од Албанија во пријателскиот натпревар кој се играше во Елбасан.
Фудбалерките загубија со двата гола кои ги примија во судиското продолжение, првиот во 91-та, а вториот во 94-та минута.
Голот за Македонија го постигна капитенката, Наташа Андонова во четвртата минута со кој беше отворен резултатот. До крајот на првиот дел, Албанките успеаја да израмнат, а потоа со двата гола во судиското продолжение, славеа со 3:1.
Фудбалерките в понеделник ќе одиграат уште еден пријателски натпревар, против Црна Гора во Подгорица.
