Бекот на Фиорентина, Едоардо Бове, кој минатата недела колабира на теренот за време на дуелот против Интер, конечно е подобро и излезе од одделот на интензивна нега. На младиот 22-годишен Бове му се слоши и ненадејно падна на теренот и колабира.
Веднаш реагираа лекарските екипи, беше реанимиран и пренесен во болница, каде што, за среќа, ситуацијата му се подобри. Бове остана во болница неколку дена да направи дополнителни прегледи, а резултатите се дека нема сериозни оштетувања ниту на мозочниот ниту на срцевиот систем.
Денеска тој ја напушти интензивната нега и е во друг дел од болницата.
„Едоардо е добро. Тој закрепнува и е среќен. Мораме да бидеме трпеливи и да го почитуваме неговиот личен простор. Тој веќе е во друга болница, па со него сè е многу подобро“, изјави генералниот менаџер на Фиорентина, Алесандро Ферари, за „Медијасет.“
