Фудбалерот на Црвена ѕвезда, Гилор Канга, е во големи проблеми и ќе мора да се појави пред суд за да го докаже својот идентитет. Пред извесен период се појавија тврдења дека неговата мајка починала во 1986-тата година, а фудбалерот според документите е роден на први септември 1990-тата.
Според документите кои се појавија, Канга е роден на петти јануари 1985-тата година, но не во Габон, туку во главниот град на ДР Конго, Киншаса. Тврдењата одат до таму што се вели дека Гилор Канга и не е неговото вистинско име, туку е роден како Киаку-Киаку Кианга.
Канга својот идентитет го променил кога потпишал за клуб од втората лига на Габон. Тој во својата кариера освен за Црвена ѕвезда, играше и за Ростов и Спарта Прага.
