Џузепе Роси своевремено важеше за еден од најталентираните италијански фудбалери, но поради големиот број повреди не успеа да направи подобра кариера.
Сепак, сега веќе 35-годишниот Роси не планира да се пензионира, туку напротив, планира да игра, и тоа во втората италијанска лига, поточно во екипата на СПАЛ.
Раководството на овој тим е подготвен да му даде договор на шест месеци, а доколку и двете страни бидат задоволни од соработката, таа може да биде и продолжена.
Роси своевремено играше за Манчестер јунајтед, Фиорентина, Парма, Џенова, а најголема трага остави во екипата на Вилјареал, каде што одигра 136 натпревари, а постигна 54 погодоци.