Фудбалот стана забава за клупските сопственици

Газдата на Олимпијакос, кој воедно го поседува и англискиот второлигаш Нотингaм форест, најде „дупка“ во фудбалските закони за трансфери

 

Грчкиот фудбалер Панајотис Тахцидис, кој до неодамна беше член на Oлимпијакос, се најде во несекојдневна ситуација на трансфер-пазарот откако неговата преселба во Англија беше изманипулирана од страна на газдата на двата клубa.

Имено, милионерот Евангелос Маринакис сакал да доведе играч од неговиот Олимпијакос во својот втор тим кој го поседува, Нотингaм форест, но ангажманот не се реализирал навреме поради завршувањето на трансфер-пазарот во Англија. Но, Маринакис по секоја цена сакал да го реализира овој „дил“, па направил нешто што никој досега не се сетил да направи. Тој го отпуштил Тахцсидис од редовите на грчкиот тим и како слободен играч го ангажирал во тимот кој се натпреварува во втората англиска лига.

Просто речено, Маринакис пронашол „дупка“ во законите на УЕФА, односно ФИФА, и на крајот си го истерал планот на своето. Ова е знак дека фудбалот секојдневно сѐ повеќе станува забава и рекреација на милионерите.

ПОВРЗАНИ ВЕСТИ

- Оглас -

Најнови вести