Македонските фудбалски прволигаши од 13 часот го играат последното есенско коло, а лидерот на табелата ќе се одлучува на тристадиони. Есенскиот шампион ќе се одлучува во Тетово, на мечот Шкендија – Гостивар, но и во Кратово, каде гостува Вардар, како и на Национаната арена во Скопје, на дуелот помеѓу Работнички и Пелистер.
Шкендија во пресрет на последното есенско коло има 36 бода, додека Силекс, Гостивар и Работнички имаат по 34, па веројатно се до последните моменти нема да биде познато кој ќе оди на пауза како лидер.
Сепак, свои математики има и Вардар, кој во Кратово патува по бод(ови) во мечот на поранешните шампиони на Македонија и екипи кои пред три децении меѓусебе одлучуваа за титулите во македонскиот фудбал.
На останатите натпревари, освојувачот на Купот на Македонија, Тиквеш, ја пречекува струмичка Брера, актуелниот шампион Струга на домашен терен игра против Воска во локалното дерби, додека во Гостивар, Беса го пречекува Шкупи.
