Поранешната атлетичарка и учесничка дури на пет Олимписки игри, Шармејн Крукс, е првата жена која застана на чело на Фудбалската федерација на Канада.
Таа е привремено решение на чело на Федерацијата,откако Ник Бонтис си поднесе оставка.
Two women elected to top Canada Soccer Board positions 🍁
Charmaine Crooks becomes Canada Soccer’s new acting President and first woman and person of colour to lead organisation.
Kelly Brown will take on the position of acting Vice-President.
— Canada Soccer (@CanadaSoccerEN) March 1, 2023
„Ги знам и ги разбирам повиците да се поправат работите. Верувам дека ќе можам да обезбедам сите наши репрезентации да напредуваат“, изјави Крукс.
Крукс е четвртата жена која била на чело на Фудбалска федерација, пред неа тоа го сториле Санди Парлоу (Фудбалска федерација на Норвешка), Лиза Клавенес (ФФ на САД) и Деби Хјуит (ФФ на Англија).
Најголемиот успех во атлетиската кариера Крукс го оствари во 1984 година, кога на Олимписките игри во Лос Анџелес го освои сребрениот медал на штафетата 4х400 метри.
