Трети натпревар по ред Арсенал не успева да го победи Фулам во меѓусебните дуели, а денешните 1-1 на „Крејвен котиџ“ може скапо да ги чинат Топчиите во трката за титулата во Премиер лигата.
После овој кикс, Арсенал има 6 бода помалку од Ливерпул, а Црвените имаат и еден меч помалку, па разликата може да стане и поголема.
Во 89-та минута Букајо Сака даде гол за Арсенал за 2-1, но по прегледување на снимка, голот беше поништен поради офсајд на асистентот Мартинели.
Голема драма имаше и на другите два меча кои се играа попладнево.
Лестер со голови во 86-та и 91-ва минута од 0-2 дојде до 2-2 и бод против Брајтон и Руд Ван Нистелрој остана непоразен како менаџер во Англија, а Борнмут во 88-ма и 95-та минута даде голови за победа на гости кај Ипсвич од 2-1. Така Ипсвич кој 22 години чека домашна победа во Премиер лигата, испушти голема шанса за прекинување на овој долг пост.
