Победата од 3-1 против Брајтон го искачи Фулам на шестото место на табелата во англиската Премиер лига, една позиција под тимот кој го совладаа вечерва на својот „Крејвен котиџ“ и тоа се најпријатните изненадувања.
Нигериецот Алекс Ивоби даде два гола и ова е негов втор меч во премиерлигашката кариера (одиграл 267 меча) на кој е двоен стрелец.
Фулам поведе по 184 секунди игра, Морските галеби израмнија на почетокот на второто полувреме, но во финишот лондонскиот тим дојде до победа, нивна шеста сезонава.
