Екипата од „Крејвен котиџ“ по поразот од Челзи со 2-1, оствари негативен рекорд во Премиер лигата. Фулам е првата екипа која во една сезона ги загубила сите 10 дуели против градските ривали Арсенал, Тотенхем, Челзи, Кристал палас и Вест хем.
Против Тотенхем губеше со 3-1 и 1-2, Арсенал во првата средба им даде пет гола (1-5), во втората четири (4-1). Челзи на двапати постигнуваше по два гола против Фулам (2-0, 1-2), Вест хем победуваше со 3-1 и 0-2, додека Кристал палас во два наврати славеше со идентични 2-0.
Ниту една екипа од Лондон не загубила во десет последователни градски дербија, а на претпоследниот тим во Премиер лигата му успеа во една сезона.
