Напаѓачот на Арсенал, Габриел Жезус би можело да ја продолжи кариерата во друг клуб од Премиер лигата, пренесуваат медиумите на Островот.
За 28-годишниот Бразилец интерес покажуваат Њукасл и Тотенхем, а ситуацијата околу него внимателно ја следат и Барселона, Милан и Интер.
Во сезоната 2024/25, Габриел Жезус одигра 27 натпревари, постигна седум гола и запиша две асистенции. Според податоците, неговата моментна трансферна вредност изнесува околу 32 милиони евра.
Дополнително, и бразилскиот Фламенго е заинтересиран за Габриел Жезус и подготвен е да испрати официјална понуда до Арсенал.
