Галатасарај денеска ја почнува својата „луда“ недела
Вечер истанбулскиот тим игра финале на Купот, а в недела го има клучниот меч за титулата.
На еден од најтрофејните турски фудбалски клубови, Галатасарај, целата сезона ќе му биде одлучена во четири дена. Може да дојдат до двојна круна, а може да останат и со празни раце. Вечерва екипата на тренерот Фатих Терим игра со Акхисар во финалето на Купот на Турција, а веќе в недела на свој терен игра дерби со Башакшехир и ако победи, ќе стане шампион на својата земја.
Галатасарај е голем фаворит против Акхисар, кој е последен во турската Суперлига и иако на прв поглед средбата делува нерамноправна, во финалињата никогаш не се знае однапред што ќе се случи и кој ќе биде помотивиран. Финалето на турскиот куп се игра на убавиот нов стадион во Сивас и може за почеток за една славеничка недела за „црвено-жолтите“.
1 Response
[…] Стартува „лудата“ недела на Галатасарај во која ќе треба да освои два трофеи во Турција. Едниот може да го осигурат уште вечерва, во финалето од Турскиот куп. Противник во финалето ќе му биде тимот на Акхисарспор, кои сезонава еднаш го изненадија турскиот првак. Галата на гостувањето во рамките од шестото коло на турската Суперлига загуби со 3-0, но потоа се реваншираше во Истанбул со минимални 1-0. […]