Вечерва се познати првите екипи кои преку квалификациите обезбедија пласман во групната фаза во Лигата на шампионите, тоа се Галатасарај, Јанг бојс и Брага.
Турскиот шампион славеше со 2:1 во реваншот против Молде и со вкупни 5:3 го елиминира норвешкиот првак.
Галатасарај поведе со голот на Мауро Икарди во седмата минута од пенал. Голот на Икарди може да го видите на следниот ЛИНК.
Молде израмни во 66-тата минута со голот на Хестад. Голот на Хестад може да го видите ТУКА. Норвежаните во 83-тата минута постигнаа уште еден гол преку Бериша, но судијата Марчињак го поништи поради офсајд.
Во судиското продолжение, Анхелино изведе слободен удар, топката удри во еден од играчите на Молде, го измами голманот и заврши во мрежата на норвешкиот тим. Голот може да го видите ТУКА.
Јанг бојс ја искористи предноста на домашниот терен и со убедливи 3:0 славеше против Макаби Хаифа. Првиот натпревар кој се играше во Израел заврши без голови.
Швајцарскиот првак дилемите околу победникот ги реши уште во првото полувреме, во кое поведе со 2:0. Итен во 23-тата минута го отвори резултатот, а пет минути подоцна Сек ја затресе сопствената мрежа. Двата гола на Јанг бојс од првиот дел може да ги видите на овој ЛИНК и на овој ЛИНК. Конечниот резултат го постави Угриниќ во 46-тата минута. Голот може да го видите ТУКА.
Брага и во Атина го совлада Панатинаикос и го доби двомечот со вкупни 3:1. По триумфот во Португалија од 2:1, сега Брага славеше со 1:0 со голот на Брума во 83-тата минута. Голот на Брума може да го видите ТУКА.
