Дерби-мечот помеѓу Еурофарм Пелистер и Алкалоид во Битола заврши без победник, нерешено 26-26, иако битолчани имаа предност и од седум гола разлика. Херој на Алкалоид е голманот, Иван Галевски, кој во последната секунда од мечот му одбрани пенал за победа на Богдан Радивојевиќ.
Најзадоволен од овој исход е скопски Вардар, кој сега има четири бода предност пред Еурофарм Пелистер, а за две недели ќе гостува во Битола. „Црвено-црните“ имаат максимален ефект од 14 победи по 14 кола, а предноста пред вечниот ривал ја направија со победата во директниот дуел, но и двете нерешени средби на Еурофарм Пелистер против Алкалоид.
Што се однесува до мечот во Битола, двете екипи се менуваа во водство се до средината на првото полувреме, а потоа Еурофарм Пелистер со серија од 5-0 дојде до убедливи 17-13 на паузата.
На стартот од второто полувреме продолжи доминацијата на битолчани, кои во еден момент поведоа со 23:16, но од тој момент се разбрани Галевски, па Алкалоид успеа да ја анулира негативата на домаќините и на крајот гостите останаа непоразени.
