Ракометарите на Еурофарм Пелистер утре ќе ја отворат новата сезона во Лигата на шампионите на домашен терен против Загреб.
За тимот на Пелистерци ова е прва сезона под раководство на новиот тренер Рубен Гарабаја, кој го наследи Раул Алонсо. Пред дуелот, Гарабаја изрази нетрпение да ја почувствува атмосферата во Битола.
„Загреб е конкурентен тим со одлична одбрана, особено во средината. Ние треба да ја наметнеме нашата игра и да настапиме како во подготовките. Се радувам на атмосферата во Битола, сите ми зборуваат за тоа и сакам навивачите да уживаат во нашата игра“, изјави Гарабаја.
Натпреварот меѓу Еурофарм Пелистер и Загреб е закажан за утре, со почеток во 20:45 часот.
