Напаѓачот на Манчестер јунајтед, Алехандро Гарначо, е добитник на наградата „Ференц Пушкаш“, што му се доделува на стрелецот на најубавиот гол во изминатата година. На наградите The Best на ФИФА, церемонија која се одржува вечерва во Доха, тој беше прв лауреат.
„Тоа беше навистина прекрасен гол. Горд сум и многу благодарен што ја добивам оваа награда од ФИФА“, изјави Алехандро Гарначо.
Најубавиот гол со „ножички“ го постигна на натпревар против Евертон во Премиер лигата.
