Легендата Кевин Гарнет изјави дека сака да го види Демиен Лилард во Денвер нагетс и смета дека тој трансфер би можело да им помогне на Грутките да ја освојат титулата во НБА-лигата.
Лилард е лидер на Портланд трејлблејзерс, цела кариера е таму, има одлична статистика, но тој тим нема реални шанси да се закити со шампионски прстен, па многумина сакаат Лилард да замине и да се бори за трофејот.
Гарнет е веројатно најдобриот играч во историјата на Минесота тимбервулфс, но својата единствена титула ја освои како член на Бостон селтикс.
„Сакам Лилард да оди кај Јокиќ во Денвер и да ги гледам како играат пик-ен-рол. Сакам да го видам во ист тим со некој од најдобрите високи играчи во Лигата, како Јокиќ, Ентони Дејвис, Карл Ентони Таунс, кој и да е“, рече Гарнет.
