Пол Гаскоњ побара од англискиот селектор Герет Саутгејт да го стави во тимот на утрешниот натпревар помеѓу Англија и Швајцарија, на стадионот во Лестер. Славниот Гаскоњ има 51 година, во кариерата играше за Тотенхем, Њукасл, Лацио и Глазгов ренџерс, а со Саутгејт беа соиграчи на Европското првенство во 1996 година.
„Да си ми жив Герет. Утре со мојот менаџер ќе бидам во ложата. Ќе поминам да те видам, ќе видам што може да помогнам. Носам копачки број 44“, напиша Гаскоњ на „Твитер“ откако Саутгејт изјави дека на „Гордиот Албион“ во средниот ред му фали еден играч од типот на Гаскоњ кој знае да одлучи натпревар.
Гаскоњ за својата репрезентација последниот меч го одигра во мај 1998 година, на еден месец пред почетокот на Светското првенство во Франција.
