Тренерот Џенаро Гатузо конечно му даде шанса на Елиф Елмас да игра цел меч за Наполи, а после дуелот со Перуџа во Купот на Италија, изјави дека македонскиот фудбалер не е навикнат да игра 90 минути. Наполи победи со 2-0, со два гола во првото полувреме.
„Игравме добро 40 минути, а не сум задоволен од второто полувреме. Малку и паднавме физички, па почесто грешевме во вториот дел. Фудбалерите дадоа максимум, дури и тие кои не се навикнати да играат 90 минути како Елмас. Напредуваме, но патот е долг до таму каде што сакаме да бидеме“ – изјави Гатузо после неговата прва победа како тренер на Наполи.
