За Наполи може да се каже дека имаше успешна сезона затоа што тимот во клупските витрини го доведе трофејот од Купот на Италија. Наполи во финалето го победи Јувентус, за кого е резервирано Скудетото од Серија А.
Иако сезоната во домашното првенство за Наполи е завршена, сепак има уште предизвици за тимот од југот на Италија. Наполи го очекува реванш мечот од осминафиналето во Лигата на шампиони против Барселона. По првиот меч во Неапол резултатот беше 1:1, а Барселона е фаворит на „Камп Ноу“.
Тренерот на Наполи, Џенаро Гатузо знае дека ќе биде многу тешко да се стигне до изненадување и победа или евентуално реми со два или повеќе голови. Гатузо вели дека Лионел Меси е незадржлив и тоа ќе биде најголем против за Наполи.
„Можеме да го сопреме Меси само во нашите соништа. Евентуално да го земам Плејстејшнот на син му и да го одберам Милан од времето кога јас играв и кога бев 10-15 килограми послаб, па така да го сопрам Меси. Треба да истрчаме на терен и да видиме какви ни се шансите против тим каков што е Барселона“, вели Гатузо.
