Џенаро Гатузо повеќе не е селектор на италијанската репрезентација откако денеска и официјално го раскина договорот со заедничка согласност.
Причината за одлуката е притисокот и тензијата што се појавија во земјата откако тимот беше елиминиран од Босна и Херцеговина во финалето од плејофот за Светското првенство налето и не се квалификува на СП.
Заминувањето на Гатузо доаѓа еден ден откако Габриеле Гравина поднесе оставка од функцијата претседател на Италијанската фудбалска федерација, а Џанлуиџи Буфон поднесе оставка од функцијата шеф на делегацијата на Аѕурите.
„Заминувам со тешко срце и без да ја постигнам мојата цел. Би сакал да им се заблагодарам на Гравина и Буфон, како и на сите во Федерацијата за довербата и поддршката што отсекогаш ми ја давале. Беше чест да ја водам репрезентацијата и тоа да го правам со група играчи кои покажаа посветеност и заложба. Мојата најголема благодарност е до навивачите, до сите Италијанци кои постојано ја покажуваа својата љубов и поддршката во текот на овие месеци. Националната репрезентација секогаш ќе има место во моето срце“, рече Гатузо.
