Пеп Гвардиола неодамна го продолжи договорот со Манчестер сити до 2027 година, но лесно може да се случи тој да си замине уште летово. Резултатите не му одат во прилог, иако ја има комплетната доверба од раководството на Граѓаните.
Сепак, Каталонецот може да биде пред големо искушение бидејќи на негова адреса има понуда од Саудиска Арабија, според која би станал најплатениот тренер во историјата на фудбалот. Сумата која му ја нудат е далеку повисока од онаа што во моментов ја има во Манчестер сити.
Гвардиола пред крајот на минатата година се раздели од сопругата, а ако на тоа се додадат и катастрофалните резултати, нема да биде изненадување доколку тоа и се случи.
Пеп во Манчестер сити дојде во 2016 година и во овој период освои 18 трофеи, од кои шест во Премиер лигата и еден во Лигата на шампионите.
