Аурелијан Гиша, сопственик на романскиот клуб Санататеа Клуж, влезе во фудбалската историја како најстариот играч што играл на официјален натпревар во Романија. Гиша сам одлучи да влезе во игра на куп дуелот против неговиот Санататеа Клуж и Универзитатеа Крајова.
Очекувано Универзитатеа Крајова имаше убедливо водство на гостувањето (4:1), кога сопственикот на Санататеа Клуж реши да биде во центарот на вниманието и влезе во игра.
Тоа се случи во 89 минута кога 61-годишниот Гиша побара измена и ја доби, за да може да истрча на теренот и да постави нов рекорд за најстар фудбалер во историјата на романскиот фудбал.
🇷🇴 A new record has been set in the Romanian Cup: 61-year-old Aurelian Ghișa has become the oldest player to ever feature in the competition.
The owner of Sănătatea Cluj brought himself on the 89th minute of their cup tie against Universitatea Craiova, which his team lost 4-1. pic.twitter.com/KgMeSKzFoM
— The Sweeper (@SweeperPod) October 31, 2025
Гиша во минатото бил фудбалер. Настапувал токму за тимот на Санататеа Клуж, а пред 16 години ја завршил кариерата. Сепак, сега реши повторно да ги облече копачките и да се најде на теренот за да испише историја.
