Романската фудбалска легенда, Георге Хаџи, одлучи да се повлече од функцијата тренер на Виторул од Констанца, клубот во кој Хаџи има улога и на сопственик. Хаџи шест сезони го водеше Виторул, клуб кој сезонава заврши на седмо место, далеку под очекувањата и амбициите кои ги имаа.
Затоа, газдата Хаџи „му даде отказ“ на тренерот Хаџи. Претседател на клубот е Георге Попеску, па тандемот Хаџи-Попеску сега ќе тргне во потрага по нов тренер. Хаџи останува во клубот како технички директор, а ќе ја води и академијата која го носи неговото име.
Хаџи кој има прекар „Марадона од Карпатите“, со романската селекција играше на три Светски првенство, играше и за Реал Мадрид и зз Барселона. Како тренер на Виторул, освои титула во 2017 година, а во 2019 ги зема Купот и суперкупот на Романија.
