Германската кошаркарска репрезентација продолжи со одличниот настап на Евробаскетот. Панцерите стигнаа до четвртата победа во четвртото коло откако немаа милост против Велика Британија и победија со резултат 120:57. Ова е најголемата победа на Европското првенство во кошарка од 1969 година. Во тоа време југословенската репрезентација ја победи Шведска со 115:43.
Југословенската репрезентација во тоа време ја предводеа Крешимир Ќосиќ, Радивој Кораќ, Никола Плеќаш, Винко Јеловац, Рато Тврдиќ и Дамир Шолман. Во денешниот натпревар, Тристан да Силва беше најдобар за Германија, кој постигна 25 поени, а имаше и пет скока. Денис Шредер постигна 19 поени, а Франц Вагнез заврши со 18 поени и 10 асистенции.
Најдобри стрелци за Велика Британија беа Патрик Вилан и Мајлс Хенсон со по 11 поени.
Германија обезбеди пласман во втората рунда, а Велика Британија речиси сигурно се збогува од натпреварувањето. На Евробаскетот првите четири екипи во групи од по шест се пласираат во втората рунда.
Во останатите мечеви кои денеска веќе завршија на Евробаскетот, Шведска – Црна Гора 81:87 и Естонија – Турција 64:84.
