Германската фудбалска репрезентација е нов европски првак за фудбалери до 21 година откако во финалето на континенталниот собир во Љубљана минимално со 1:0 ја победи Португалија. Напаѓачот на Андерлехт, Лукас Нмеча е херојот на Германија, постигнувајќи го единствениот гол, вреден златна титула, и тоа на почетокот на второто полувреме.
THAT’S IT!!!! 🥳🎉
GERMANY ARE 2021 EUROPEAN U21 CHAMPIONS! 🏆🇩🇪#U21EURO #GERPOR 1-0 pic.twitter.com/gJipxtPAw2
— Germany (@DFB_Team_EN) June 6, 2021
Во претходните пет меѓусебни дуели на овие две селекции за играчи до 21 година, Португалците имаа пет победи, но сега кога беше најпотребно, загубија. Португалците имаа и низа од 12 триумфи по ред во сите натпревари, но не успеаjа да се закитат со златото.
Ова е трета генерација на германски фудбалери до 21 година кои стигнуваат до златото на ЕП, повторувајќи го успехот од 2009 и 2017 година.
