Германскиот олимписки комитет планира да поднесе кандидатура за организација на Летните олимписки игри кои треба да се одржат во 2036 година, пишуваат медиумите од оваа земја.
Интерес за организација на ЛОИ 2036 пројавуваат градовите Берлин, Хамбург, Минхен, Лајпциг и Дизелдорф.
Берлин сака геманскиот олимписки комитет да го одреди токму овој град за кандидат за домаќин бидејќи во 2036 година ќе се одбележуваат точно 100 години од Игрите кои се одржаа токму во овој град во време на владеењето на нацистичкиот лидер Адолф Хитлер.
Следните Олимписки игри ќе се одржат во Париз идната година, а потоа домаќини ќе бидат и Лос Анџелес во 2028 година и австралискиот град Бризбејн во 2032 година.
