Англиските навивачи се најдоа на удар на германската полиција, откако им забрането да ја пеат својата препознатлива песна за нацистичките авиони од Втората светска војна. Англија и Германија се стари фудбалски ривали, па токму затоа англичаните имаат и специјална песна за германците. Полицијата на Германија се закани дека може парично да ги казни навивачите кои нема да ја почитуваат забраната, дури може да бидат и уапсени, а во секој случај ќе им бидат поништени билетите за Европското првенство.
Спорната песна која англичаните ја пееја во Дизелдорф во слободен превод на македонски би звучела вака: „Имаше десет германски бомбардери (авиони) на небото, но англискиот РАФ (Кралските воздухопловни сили) соборија еден …“ и се така авион по авион, додека и 10-тиот не биде соборен од небото.
Во бомбардирањата на германските авиони во Втората светска војна во Обединетото кралство загинале околу 70.000 луѓе.
10 German 🇩🇪 Bombers being sung by England 🏴 fans in Dusseldorf – locals singing along too pic.twitter.com/LTFSt2wokP
— Paul Brown 🇬🇧 Browns fan🏈 London News 🎥Vlogger (@PaulBrown_UK) June 15, 2024
