Германците стравуваат од нов бран на корона-вирус и заради превентива имаат нови мерки за фудбалерите што настапуваат во Бундеслигата.
Сите играчи на 18-те прволигаши ќе мора да ги почитуваат заострените мерки на движење и ќе можат да бидат само дома и во клупските објекти до 12 мај.
Потоа во следните 10 дена до финишот на сезоната во Бундеслигата ќе бидат само во тренинг-центрите на клубовите за да се избегне ширење на ковид-19.
Ова доаѓа по случајот со Херта Берлин, екипа која не играше во последните две кола, а и е одложени и следниот меч против Шалке поради двајцата заразени играчи Лукебакио и Платенхарт, како и тренерот Пал Дардаи и неговиот асистент Адмир Хамзагиќ.
Сезоната во Бундеслигата треба да заврши и официјално со бараж двомеч за опстанок, односно за билет за прволигашкото друштво што ќе го играат 16-пласираниот тим од Првата лига и третопласираната екипа во Втората лига.
Германија ќе игра на Европското првенство што ќе се одржи од 11 јуни до 11 јули оваа година.