Германија ќе игра против Финска во полуфиналето на Евробаскетот, откако вечерва во Рига во последното четвртфинале ја победи Словенија со 99-91.
Словенците тргнаа феноменално и првата четвртина ја добија со 11 поени разлика, но проблем беа личните грешки на Лука Дончиќ кој мораше да се чува во второто полувреме, а данокот беше платен во последната четвртина во која Германците беа многу подобри со 29-17.
Дончиќ имаше 39 поени, 10 скока и 7 асистенции, а кај непоразената Германија двете НБА ѕвезди Франц Вагнер и Денис Шредер постигнаа 23 односно 20 поени.
