Фудбалерите на Пари Сен Жермен премногу долго го славеа блескавиот успех и победата од 4:1 против Барселона во Лигата на шампионите, а вечерва ги отрезнија играчите на Монако со голема победа од 2:0 на „Паркот на принцовите“.
Популарните Кнезови го нокаутираа францускиот шампион со головите на Диоп во шестата минута од првото полувреме и со погодокот на Марипан во шестата минута од вториот дел.
Иако ја имаа топката во посед, со убедливи 74 отсто во свој посед, Мбапе, Икарди, Кен и останатите играчи на ПСЖ не успеаја да постигнат гол, а примија два и се оддалечија од врвот на табелата.
Актуелниот првак остана на третата позција со 54 бода, два повеќе од Монако, четири помалку од Лил и еден зад Лион во исклучително интересната трка за титулата во Лига 1 во Франција.
Во исто време од 21 часот се играше и мечот во шпанската Ла Лига, а Атлетик Билбао и Вилјареал одиграа нерешено, 1:1.
