Мексиканецот Сантијаго Хименес од Феенорд денеска го комплетира хет-трикот во големото холандско дерби откако во неделата со два гола ја најави катастрофата на Ајакс.
Во неделата дуелот беше прекинат од фановите на Ајакс при 3-0 за Феенорд во 55-тата минута. Средбата се доигра денеска, пред празни трибини, а Феенорд со уште еден гол го докусури ривалот за победа од 4-0, што е најубедлив триумф на тимот од Ротердам на гостувањата кај Копјаниците во Амстердам.
Хименес е прв играч во историјата на Феенорд кој направил хет-трик на гости против Ајакс, а прв по 63 години кој воопшто му дал три гола на еден меч на ривалот.
