Ханси Флик на првиот собир на Барселона за новата сезона имаше дури 35-мина фудбалери. На тренинзите на првата екипа беа вклучени и неколку младинци, но се појавија и фудбалерите на коишто им завршија позајмиците.
Еден од нив беше и Ориол Ромеу, кој се врати од позајмицата во Жирона, тренираше со екипата неколку дена, но според шпанските медиуми, Ханси Флик го известил дека не смета на него и дека е слободен да си замине.
Менаџерскиот тим на фудбалерот и раководството на Каталонците веќе преговараат околу раскинот на договорот и тој ќе добие слободни документи, па екипата која ќе го ангажира нема да плати обесштетување.
🚨 Barcelona are ready to terminate the contract of Oriol Romeu, with Girona looking to sign him as a free agent.
(Source: @MARCA) pic.twitter.com/fcAvcnJqvC
— Transfer News Live (@DeadlineDayLive) July 16, 2025
Ромеу пристигна во Барселона токму од Жирона, и тоа на инсистирање на поранешниот тренер Чави Ернандес, а ќе остане запаметен дека самиот си го плати поголемиот дел од обесштетувањето само за да го оствари детскиот сон и да заигра за Каталонците.
