Селекторот на петкратниот светски првак Бразил, Тите, го објави списокот со фудбалери кои ќе бидат дел од Светското првенство во Катар, а според играчите со коишто располага, јасно е дека Кариоките се меѓу главните фаворити за тронот.
За тоа во какви услови се игра во земјата која ги дава најголемите фудбалски таленти, покажува видеото од дуелот во втората бразилска лига меѓу ЦРБ и Бахија. Поради обилните врнежи од дожд, теренот беше во ужасна состојба, но дуелот се одигра.
На поголем дел од теренот имаше толку вода што повеќе личеше како да се игра некој ватерполо меч, а не фудбал. И во такви услови беа постигнати три гола, а Бахија на крајот победи со 2:1.
— Out Of Context Football (@nocontextfooty) November 7, 2022
