Раководството на Барселона мора да продаде неколку фудбалери за да направи простор за нови засилувања. До сега во клубот официјално пристигна само Жоан Гарсија, голманот на Еспањол, но и тој се уште не е регистриран.
Клубот го напушти Ансу Фати, кој наредната сезона ќе игра како позајмен во Монако, но „каталонците“ мора да се ослободат уште од најмалку двајца фудбалери. Прв на трансфер листата е германскиот голман, Марк-Андре тер Штеген, за кого неизвесно е дали ќе остане или ќе си оди, но и еден дефанзивец. Токму тука започнуваат главоболките за Деко.
Роналд Араухо или Андреас Кристијансен, еден од нив мора да замине. Желбата на Барселона е тоа да биде Данецот, бидејќи има договор до следното лето, па „каталонците“ можеби и нешто ќе заработат, но и двајцата во моментов не сакаат ниту да слушнат да си заминат од клубот.
