Организаторите на доделувањето на наградите „Глоуб сокер“ ги објавија петте номинирани за титулата најдобар фудбалер во светот во 2025 година.
Во првите 5 се најдоа Килијан Мбапе (Реал Мадрид), Усман Дембеле, Витиња (двајцата од ПСЖ), Рафиња и Ламине Јамал (двајцата од Барселона).
Дембеле беше прогласен за најдобар фудбалер на планетата во 2025 година во изборите на „Франс фудбал“ во соработка со УЕФА (Златна топка) и на ФИФА (The Best).
Церемонијата на доделувањето на наградите на „Глоуб сокер“ ќе се одржи на 28 декември во Дубаи.
Освен најдобар фудбалер во машка конкуренција, ќе се прогласат и најдобра фудбалерка, најдобар клуб (мажи и жени), најдобар тренер, најдобар играч од среден ред, најдобар напаѓач, најдобар млад играч, најуспешен агент, најдобар спортски директор и најдобар играч кој настапува на Средниот Исток.
