Баерн Минхен останува во игра за одбрана на титулата во Германскиот куп откако со два гола во самиот финиш ја спречи сензацијата што ја најави Бохум.
Серж Гнабри и Томас Милер со голови во 83-тата и во 89-тата минута не дозволија изненадување и направија пресврт, откако домаќинот Бохум водеше од 36-тата минута со автоголот на Дејвис.
Блиц-кригот во рок од 360 секунди значеше спас за шампионот и за актуелниот бранител на пехарот во популарниот ДФБ Покал, па Баерн продолжува понатаму.
