Екипата на Осијек изненадувачки го победи Хајдук на преполниот “Пољуд“ во Сплит со 0-2 и не му дозволи да се искачи на врвот во првенството на Хрватска. Фудбалерите веднаш после натпреварот со автобус се упатија на северот на Хрватска, во Осијек и таму пристигнаа околу шест часот утринава. На големо изненадување на сите, веднаш одржаа тренинг на нивниот стадион, па дури потоа се упатија кон своите домови.
Натпреварот помеѓу Хајдук и Осијек се играше синоќа во 18 часот и заврши некаде околу 20 часот. Според мапата на Гугл, Осијек е оддалечен околу 700 километри од Сплит, односно точно 688 километри и доколку патувате без пауза за тоа ќе ви бидат потребни шест часа и 20 минути.
