Во катедралата во Милано се одржа државниот погреб по повод смртта на некогашниот италијански премиер и претседател на фудбалските клубови Милан и Монца, Силвио Берлускони.
Присутни беа многу претседатели на ривалски фудбалски клубови од Италија, што покажува колку и тие го почитуваа, тука беа и многу тренери кои работеа за газда Силвио.
На плоштадот околу катедралата имаше десетици илјади негови политички и спортски поддржувачи. Фановите на Милан, клубот кој најславните денови ги имаше кога на чело на клубот беше Берлускони, скандираа „Еден е претседателот“.
На погребот беа и познати политичари од Италија и светот, а и жените беа незаобиколен дел од неговиот бурен живот. Последната девојка на Берлускони, Марта, со солзи во очите се простуваше од својот сакан кој беше 53 години постар од неа.
